annadonna 染髮護色膜 | 自己動手DIY髮色｜iTRIAL用家分享

我經常漂髮同染髮，時間一耐冇去salon整頭，就好快褪色變布丁頭，但去得太密salon漂頭我又覺得太傷頭髮，所以我會用annadonna嘅染髮護色膜 Hair Color Treatment，幫我過渡頭髮褪色嘅時間。

annadonna 染髮護色膜係日本有不少鐘情漂染髮色嘅Blogger 及 Cosplayer力薦嘅日本大熱染髮產品 ，護髮同時為漂染頭髮補色，修復光澤及延長髮色壽命。今次我就親自實測真係有效，效果亦好滿意，平時洗頭時用佢嚟補色真係勁好用又快捷方便呢！

Text & Photo: Reeta (IG：@reeta_ng)

實測 annadonna 染髮護色膜 Hair Colour Treatment

annadonna 染髮護色膜 Hair Colour Treatment

價錢：$119/160g  (共11色)

含有月見草萃取物、絲蛋白及堅果油等保濕修護成分，無論係剛漂染過的還是已褪色嘅髮色，都能給予頭髮有充分營養，持續使用可保護髮色，補色同時令秀髮堅韌柔順。

好似我呢種漂染頭髮底色越淺，就越容易上色，所以根據個人髮色及髮質唔同，效果因人而異。建議連續最少使用5日，亦可持續上色1至2星期不等，可無間斷地為經漂染之頭髮補色。

質地：4.5分

質地好易推開，能輕易地滲透在每條髮絲上，可快速均勻咁搽晒所有頭髮。

使用方法好簡單！

1. 直接塗抹喺乾髮上或洗髮後抹乾頭髮使用

2. 等待5-10分鐘後沖洗乾淨，再用風筒吹乾即可。

使用量視乎個人情況而定，好似我係短髮，每次使用半個雞蛋大細嘅份量就ok㗎啦。

記得使用前帶上手套，咁就避免染咗顏色喺手上。

光澤度： 4.1分

使用後嘅髮質順滑了不少，髮質看起來比之前未使用前係健康咗少少。

鎖色度：4.2 分 

每次使用後上色效果很明顯，明顯地出色，補色效果可維持幾天至一星期時間。

總評:

有咗佢幫我解決褪色變黃嘅髮色而唔傷髮質，可以有時間俾頭髮休息下，佢幫我慳錢慳時間唔駛特登去salon，有時疫情嘅因素會令我放棄想去髮型屋染髮！所以annadonna染髮護色膜岩晒我呢啲成日染髮嘅人使用，我覺得好好用又方便，值得推薦俾鍾意漂髮同染髮嘅大家！

銷售點: 三大人氣顏色(極光太空灰/紫葡萄色/深藍莓色) 染髮護色膜登陸萬寧，DON DON DONKI，松本清有售